陈百祥领军返内地踢波带挈前无线艺人狂吸金，大爆劲多人主动𢱑捞（组图）

陈百祥昨日（8/10）现身金钟出席职业匹克球员签约仪式。对于早前有指与谭咏麟破冰，双方关系回暖。陈百祥接受《香港01》访问时笑言：「其实从来都冇冰，亦唔使破。其实佢都讲咗，我哋踢波1980年『明星足球队』，到我早两年组『精装明星队』，分别系『明星足球队』系老化咗，个个都70岁。而自己系想踢啲有比较竞争性嘅足球。」

陈百祥今日出席活动。（叶志明摄）

陈百祥今现身金钟出席职业匹克球员签约仪式。（叶志明摄）

陈百祥又指现时「精装明星足球队」在内地很受欢迎，一星期踢足3日：「我而家系职业踢，人哋真系俾钱我踢，旧时我就唔系。而家我系收钱去踢㗎，同埋所有嘅艺员跟我踢过一场，喺佛山吴国敬、菊梓乔佢哋嘅商演机会系多咗20倍左右，同埋每一个艺人都系咁样。所以我带住晒钟意喺内地表演嘅艺人，除咗踢波，个个都有嘢捞，咁呢个我系最开心嘅。」

陈百祥大爆有娱中人主动叩门搲捞。（叶志明摄）

陈百祥又指现时《精装明星足球队》在内地很受欢迎。（叶志明摄）

陈百祥续说：「唔好讲直播卖嘢，唔讲仲夸张，黄长兴、梁烈唯、王秀琳𠮶个都签晒公司做直播，同埋做商演。大家都知成个娱乐圈都系低潮揾唔到食嘅，TVB又一直减人工嘅，咁我带住一班难听啲讲，系香港一班捞得唔系好好，而家喺内地捞到风山水起，咁点解唔带住佢哋。（有冇娱乐圈中人主动叩你门？）多都不得了，我系接唔到咁多人，但我每次都加啲人，今次系加咗3个，加咗黄长兴、高钧贤、王秀琳。佢哋踢我一场，之后就不停咁接商演，我何乐而不为呢。」

陈百祥领军返内地踢波带挈前无线艺人狂吸金。（叶志明摄）

陈百祥领军返内地踢波带挈前无线艺人狂吸金。（叶志明摄）